CAGAYAN DE ORO CITY- Nakasibat ang laing 11 ka nalukong nga sibilyang Kristiyano sa nagpadayon pa gihpaon nga kabugot sa Marawi City, Lanao del Sur.
Kini nunot na sa nahitabong bakbakan sa militar ug teroristang Maute sa maong lugar.
Sumala ni Jennifer Madrigilaga taga Pagadian City nga dili sayon ang ilang kasinatian ilabina nga gilangoy nila’g pila ka oras ang Lake Lanao aron makasibat.
Asoy pa niini nga sobrang sakit sa iyang lawas ang iyang nasinatian human duha ka oras nilang gilangoy ang maong suba.
Dako’g natabang kanila ang botilya sa mineral water tungod kay ila kining gihimo nga salbabida aron dili maunlod.
Hisayrang napugos sila paggawas sa ilang giatuguan tungod sa kahadlok nga mahulugan sa bomba gikan sa tropa gobyerno nga miatake sa mga terorista sa Marawi City.
