CAGAYAN DE ORO CITY-Gisaluduhan ug gihatagan ni Pres Rodrigo Duterte sa medalya ingon man cash assistance tungod sa ilang kaisog ang laing 84 ka samaron nga sundalo ug pulis nga padayong nakig-engkuwentro batok sa mga teroristang Maute ug Abu Sayyaf Group sa Marawi City.
Kini human gidala ang mga samaron nga govt forces sa Camp Evangelista Station Hospital nga nakabase sa diha headquarters sa 4th ID,Philippine Army ning syudad kaganihang hapon.
Gibutyag ni Pres Rodrigo Duterte nga naglisod ang ilang tropa pagpuhag sa mga terorista tungod sa mga sibilyan nga na-hostage.
Samtang ginapalidan ni AFP chief of staff Gen Eduardo Año ang hinay apan siniguro nga pag-atake sa grupong Maute ug ubang grupo sa mga terorista nga nakatago sa Marawi City.
Kini human gibutyag ni Año nga anaa sa pag-atake ang gobierno samtang ang mga terorista nakaplastar na’g maayo gamit ang ilang snipers ug improvised explosive devices o IEDs.
Apan nanganti si Año nga dili na madugay ug mapuhag na sa hingpit ang mga terorista ilabina nga tulo ka gikan sa 96 ka brgy na lamang sa Marawi City ang ilang gihimuan sa operasyon.
