CAGAYAN DE ORO CITY-All set na ang sinuglaw festival nga proyekto sa Cagayan De Oro Hotel & Restaurant Association o COHARA.
Sa pakighinabi sa Bombo Radyo kang Nelia Lee, presidente sa COHARA, gibutyag niini nga gipili nila karong tuiga ang sinugba nga may sagol kinilaw tungod sa unique nga kalami sa tabon-tabon nga dinhi i ra makita sa Bukidnon.
Mohatag sa 10% nga diskwento ang tanan hotel ug restaurant nga miyembro sa COHARA sa tanan orders sa SINUGLAW sugod Himugso Festival kon City Charter Day celebration sa syudad karong Hunyo 15 hangtud Agosto 30.
Dugtong niini, magsilbi usab host ang COHARA sa Kumbira 2017 diin usa sa highlights niini ang National Food showdown.
Usa kini sa food competition nga salmotan sa mga magtutungha ug propesyonal category.
Dumduman nga mao pa kini ang unang higayon sulod sa 21 ka tuig nga pagselebrar sa Kumbira diin ang syudad ang maghost gikan sa syudad sa Baguio nga maoy nag-host sa maong showdown sa miaging tuig.
