CAGAYAN DE ORO CITY-Iduso na sa kampo ni City Mayor Oscar Moreno ang ilang petisyon aron aghaton ang Ombudsman nga subli e-rekonsiderar ang pagtangtang kaniya isip mayor sa syudad.
Gibutyag sa abogado ni Moreno nga si Atty Dale Brian Mordeno nga iduso usab nila ang petition aron makakuha’g temporary restraining order o TRO ilabina kon mapakyas sila pagkuha sa pabor nga hukom sa Ombudsman.
Una niini,giakusahan ni Moreno si Misamis Orienal Gov Bambi Emano nga utok sa pag-ipit kaniya pinaagi sa pagpahigayon sa special audit sa Commission on Audit diin wala giagi sa public bidding ang pag-renta sa oil tanker sa panahon nga may road project sa lalawigan.
Apan alang usab kang Emano,angay i-undang na ni Moreno ang mga ilegal niya nga binuhatan aron dili na maigo sa mga silot sa Ombudsman ug pagkaso didto sa Sandiganbayan.
