CAGAYAN DE ORO CITY-Ikahagba na sa hingpit sa kalihukang Maute ang pagkasikop sa magtiayong Cayamora ug Omenta Romato Maute sa magkalahi nga lugar sa Mindanao sa miaging semana.
Kini human nasuta nga mismo si Omenta Romato ang midasig sa magsoong Omar ug Abdullah Maute nga panguluhan ang bayolente nga pag-atake sa Marawi City nga gatusang kinabuhi na sa mga tawo ang nakalas.
Gibutyag ni Martial Law administrator Defense Sec Delfin Lorenzana nga dili na madugay ug mahingpit na ang pagkahugno sa kalihukang terorismo sa pamilyang Maute kuyog ang bandidong Abu Sayyaf nga wala undangi pagpuhag sa militar sa Marawi City.
