CAGAYAN DE ORO CITY-Uyon ang Cagayan de Oro City Police Offcie o COCPO nga ikustodiya sa 4th ID,Philippine Army ang dinakpang si kanhi Marawi City Mayor Fahad “Pre” Salic.
Kini samtang dunggon ang mga kaso nga atubangon ni Salic nga naglakip sa rebellion ug pagpayuhot sa gidili nga droga.
Namahayag si COCPO spokesperson C/Insp Mardy Hortillosa nga mas maayo nga mga sundalo ang mobantay kang Salic nga gikonsiderar na isip high profile inmate.
Si Salic ang gitumbok nga suporter sa teroristang Maute hinungdan nga lakip sa gipasikop ni Martial Law administrator Defense Sec Delfin Lorenzana.
Una nang gihimakak ni Salic nga nalambigit kini sa kalihukang Maute bisan nga gitumbok siya sa militar nga naghatag pinansyal nga suporta kaniadto.
