CAGAYAN DE ORO CITY- Kumbinsido si City Mayor Oscar Moreno nga politika ang nagpaluyo sa special audit sa Commission on Audit sa gisudlan nga govt transaction samtang gobernador pa kini sa Misamis Oriental kaniadto.
Kini human nasuta nga bana ni Atty Janet Nuñez nga si Antonio Nuñez ang complainant sa kasong giduso batok kang Moreno sa Ombudsman.
Gibutyag ni chief legal counsel Atty Dale Brian Mordeno nga dili kalikayan nga magduda ang katawhan ilabina nga abogado sa pipila ka miembro sa partido Padayon Pilipino si Atty Nuñez nga kontra ni Moreno.
Dili usab mabasol ni Misamis Oriental Gov Bambi Emano nga basulon kini ni Moreno tungod kay siya ang nagdumala karon sa probinsya.
Samtang gi-abuweslto sa complainant nga si Antonio Nuñez ang pagtoo sa kampo ni Moreno nga mani-obra ni Emano aron kini manduan sa Ombudsman nga mapapha sa puwesto.
Gibutyag ni Nuñez nga adbokasiya niini ang pagtaral sa hukmanan batok sa mga govt official nga abusado sa gahom.
Gani,dili bisan ang mga negosyante sa syudad iyang gipangkasuhan tungod sa obligasyon sa dili pagtarong pagbayad sa buhis.
