CAGAYAN DE ORO CITY- Giduso na sa kampo ni City Mayor Oscar Moreno ang ilang motion for reconsiderations batok sa kasong administratibo ug kriminal sa Ombudsman ug Sandigabayna.
Kini may kalabutan sa dismissal order gipakanaug sa Ombudsman batok Moreno ug 7 ka ulo sa departamento sa kapitolyo probinsyal kaniadto.
Gibutyag sa chief legal counsel ni Moreno nga si Atty Dale Brian Mordeno nga wala pa sila modangop sa Court of Appeals o CA kay gihulat nila ang tubag sa duha ka buhatan kabahin sa ilang giduso nga mga hangyo.
Si Moreno nakit-ang guilty sa 6 ka counts sa kasupakan sa graft and corrupt practices act o Republic Act 3019 tungod sa audit findings sa Commission on Audit diin nag-renta sa oil tanker nga wala giagi sa public bidding apan negotiated contract.
