CAGAYAN DE ORO CITY- Mohimo’g ocular inspection si RTC Branch 21 Presiding Judge Gil Bollozos sa lugar diin giingong gidagit sa lima ka pulis ang negosyante nga si Enrique ‘Eking’ Fernandez IIl sa Upper Carmen sa syudad sunod semana.
Kini aron matandi sa huwes ang mga pahayag sa mga testigo ug ang pisikal nga ebedensiya batok sa grupo ni Sr/Insp Ereneo Ramirez nga midagit kang Fernandez.
Gibutyag sa amahan ni Eking nga si Enrique Fernandez Jr nga gi-schedule na usab ang hearing alang sa petition for bail sa mga dinakpan sa Agosto 8 ning tuiga.
Si Ramirez ug sila si SPO1 Alaindelon Tacubao;PO3 Alejandro Ubanan; SPO2 Jojo Lim ug PO2 Sangkula Hussein nga detinado sa city jail ang nag-atubang sa kasong kidnapping ug carnapping dihang sila ang nakita sa CCTV camera nga mikuha kang Fernandez III aron ipasakay sa sakyanan sa syudad niadtong tuig 2016.
