CAGAYAN DE ORO CITY-Gihupay karon sa kapolisan ang gibati nga pagka-alarma sa publiko bahin sa pribadong sakyanan nga may sakay nga armadong kalalakihan nga unang gitoohang sakop sa teroristang Maute dinhi sa syudad.
Kini human nasitar sa Misamis Oriental PNP pinaagi sa checkpoint nga friendly forces ang sakay niini ug naghimo usab sa intelligence work aron masanta ang pagsabotahe sa seguridad sa syudad ug lalawigan.
Gibutyag C/Insp Mardy Hortillosa, tigpamaba sa Cagayan de Oro City Police Office o COCPO nga mga sundalo ang sakay sa sakyanan nga gi-monitor sa kapolisan hinungdan angay dili mabalaka ang publiko niini.
Hinoon, gi-angkon ni Hortillosa nga nasipyat lamang ang maong grupo sa pagpili sa sakyanan nga angayan nilang sakyan.
Una niini, nasaypan ang maong grupo nga re-inforcement sa sakop sa Maute nga mupadulong pa sa Iligan City.
