CAGAYAN DE ORO CITY-Gipahimangnuan sa militar ang publiko nga kasamtangang nagpasilong karon sa kapitolyo nga magbinantayon sa Marawi City, Lanao del Sur.
Kini human duha na ka bintana sa kapitolyo ang nagguba tungod sa saag nga bala. Padayon nga giatake sa mga terorista ang kampo sa mga sundalo nga nahimutang sa kapitolyo hinungdan nga daghang stray bullets.
Samtang, usa ka ginang ang nangayo’g tabang sa kapolisan nga i-rescue ang iyang bana nga negosyante kinsa na-trap sa warzone kauban ang duha ka babaye nga samaran.
Nabalaka ang maong ginang tungod kay kapin 20 ka adlaw na nga walay kaon ang iyang bana.
Hisayrang sa miaging semana,patay ang usa ka batang Maranao-Muslim dihang naigo sa li-og sa saag bala gikan nag-ampo sa pag-obserbar sa Ramadan sa compound sa kapitolyo probinsyal sa Lanao del Sur.
