CAGAYAN DE ORO CITY-Gihagit ni City Mayor Oscar Moreno ang katawhan nga ilhon ang ilang kaugalingon aron matumbok ang mahimo nila alang sa ikaugmad sa syudad ingon man sa Mindanao.
Pahayag kini ni Moreno atol sa pagsaulog sa ika-67 ka tuig nga karta sa pagka-syudad sa Cagayan de Oro nga kanhi Cagayan de Misamis.
Si Moreno miingon nga unta magsilbing kakuhaa’g leksyon ang nahitabo nga kagubot sa Marawi City diin nakaapektar pag-ayo sa kalihukan sa mga residente sa Mindanao.
Gipasalamatan usab sa opsiyal ang lumad Cagay-anons ug Misamisnons nga naningkamot aron masinati sa katawhan ang kasamtangang kalambuan ning mga panahona dinhi sa dakbayan.
