CAGAYAN DE ORO CITY-Nasikop Martial Law Special Action Group ang usa sa duha ka suspected Maute bomb experts samtang nagsaka sa boarding house diha sa Sitio Sta Cruz,Brgy Macasandig sa syudad kaganihang buntag.
Gibutyag ni PNP regional director C/Supt Agripino Javier nga gisikop ang suspek nga si Mohammed Maute alyas Abu Jadid,22 anyos nga taga-Butig,Lanao del Sur subay sa mando ni martial law administrator Defense Sec Delfin Lorenzana.
Nakuha gikan kang Maute ang peke nga ID sa Mindanao State University;mga celphone nga nagbaton sa mga senstibo nga contacts ug impormasyon kabahin sa kagubot sa Marawi City.
Samtang gipanghimakak ni Maute nga miembro kini sa teroristang Maute nga nakabase sa Butig,Lanao del Sur.
Namugos ang suspek nga nagbaton siya’g school ID aron malimpiyohan ang iyang pangalan batok sa pasangil nga kini terorista.
Si Maute ang hilom nga misagol pagpuyo sa pipila ka bakwit nga gikan sa Iligan City sa giabangan nga pinuy-anan ni Pulais Dimaporo diha sa Sitio Sta Cruz,Brgy Macasandig sa syudad.
Si Maute ang unang nag-check in sa hotel pag-abot sa syudad ayha mipasilong sa boarding house hinungdang nasikop sa militar ug kapolisan ning syudad kaganihang buntag.
Samtang gikakurat sa boarder nga si Pulais Dimaporo nga ang pinakangita na sa militar ug kapolisan ang nakatupad niini’g katulog sa giabangan niining lawak sa syudad sa pila ka gabii.
Kini human gisikop pinaagi sa warrant of arrest si Maute nga no.1 sa listahan ni Lorenzana tungod sa kagubot sa Marawi City.
Gibutyag ni Dimaporo nga wala siya’y kasayuran nga nasagulan ang ilang mga paryente nga bakwit gikan sa Marawi City sa terorista nga si Maute.
Giangkon ni Dimaporo nga nakatudlo usab sa Arabic language si Maute sa Maranao-Muslims diha sa Brgy Balulang sa syudad.
