CAGAYAN DE ORO CITY-Gitahasan karon ni Justice Secretary Vitaliano Aguirre II si Sr Asst Regional State Prosecutor Merlynn Uy nga panguluhan ang Regional State Prosecutor’s Office dinhi sa rehiyon.
Kini human gihimo ni Aguirre si Uy nga officer-in-charge sa RSP tungod sa kalit nga pagkamatay ni Prosecutor Jaime Umpa gumikan sa sakit nga cancer sa miaging semana.
Gibutyag ni Uy nga maoy mihulip usab kaniya isip officer-in-charge sa city prosecutor’s office si Sr Asst City Prosecutor Charisse Galarrita-Bitoon.
Gipasalig ni Uy nga dugang reporma ang ilang ipatuman sulod sa prosecution service dinhi sa rehiyon.
Una niini,gipasalig ni Aguirre sa Bombo Radyo nga sulod ning semanaha may itudlo na siya nga officer-in-charge sa gibiyaan nga opisina ni Umpa.
