CAGAYAN DE ORO CITY-Pabor ang kampo ni kanhi Marawi City Mayor Fajad ‘Pre’ Salic nga himoon ang pagdungog sa kasong rebellion sa korte dinhi sa syudad.
Kini bisan nga miani’g pagsupak gikan sa nagkadaiyang sektor ang mando sa korte suprema nga dinhi sa syudad dunggon ang mga kasong gilambigitan sa pamilyang Maute ug supporters niini nga nasikop sa kagubot sa Marawi City.
Namahayag ang chief legal counsel ni Salic nga si Atty Dale Brian Mordeno nga wala sa plano sa ilang kliyente nga mohimo’g pagpanghasi tungod kay nangayo naman kini’g legal remedy aron panalipdan siya batok sa maong kaso.
Si Salic ang nag-atubang sa tulo ka counts sa rebellion dihang gitumbok nga suporter sa teroristang Maute sa Lanao del Sur.
