CAGAYAN DE ORO CITY-Hingpit nang giangkon sa bomb making expert nga si Mohammed Maute alyas Abu Jadid nga aktibo kining miembro sa teroristang Maute nga nagsabwag kagubot sa Marawi City,Lanao del Sur.
Kini human unang giapubos sa imbestigasyon si Maute gikan sa pagkasikop kaniya diha sa Sta Cruz,Brgy Macasandig sa syudad sa miaging semana.
Gibutyag ni C/Insp Ariel Philip Pontillas,hepe sa City Intelligence Unit o CIU sa Cagayan de Oro City Police Office nga mismo ang mga hulagway nga anaa sa listahan sa mga local terrorist ang nailhan ni Maute ilabina ang bomb experts niini.
Namahayag usab si Maute nga nadasig kini sa pag-apil sa kalihukan sa pasalig nga matukod ang Islamic State o IS sa Lanao del Sur.
