CAGAYAN DE ORO CITY-Gikalipay ni Pres Rodrigo Duterte kon mapugngan ang paglihok ug paggamit sa assets ug bank accounts sa mga suporter sa teroristang Maute.
Kini human unang gisugyot ni Martial Law administator Defense Sec Delfin Lorezana sa Anti-Money Laundering Council o AMLAC nga pahamtangan sa freeze order ang accounts sa Maute supporters aron ma-imbestigaran sa ilang partisipasyon.
Gibutyag ni Pres Duterte nga walay dakong pondo sa salapi ang Maute group apan tungod sa gidiling droga nakabaton sila sa dugang kinitaan nga illegal.
Gihimo kini nga tubag ni Duterte dihang mismo ang Bombo Radyo nangutana kaniya atol sa pagduaw niini sa 79 ka sundalo nga samaron gikan Marawi City nga naka-confine sa Camp Evangelista Station Hospital sa Brgy Patag sa syudad kagabii.
