CAGAYAN DE ORO CITY- Makabaton na sa dugang mga armas ang kapolisan sa syudad sa Iligan.
Kini human kumpirmaha ni PNP chief Dir Gen Ronald de la Rosa nga mahatagan sa mga armas gikan sa Camp Crame ang kapolisan sa Iligan City Police Office tungod sa bahad sa terorismo.
Gibutyag ni City Mayor Celso Regencia nga sobra kakulang ang mga armas sa ilang kapolisan nga magamit batok sa mga terorista hinungdan nga personal niya gipangayo kang De la Rosa ang panabang.
Si Regencia kinsa kanhi usab police official sa wala pa misulod sa politika ang nangunay sa paghatag seguridad sa entrance ug exit points ilabina sa mga boundary sa Iligan City ug Lanao del Norte.
