CAGAYAN DE ORO CITY-Nagsaka pa ang ihap sa mga residente nga namatay tungod sa pagbato’g nagkadiayang sakit samtang anaa sulod sa nagkadiayang evacuation centers sa ARMM ug Iligan City,Lanao del Norte.
Kini tungod sa kalisod sa sitwasyon sa mga bakwit diin sagad sa mga biktima ang kabataan ug kababayen-an.
Gibutyag ni Lanao del Sur Provincial Health Officer Dr Alinader Minalang nga anaa na sa 29 ka biktima ang kumpirmadong namatay samtang gikabalak-an nga magsaka pa kini kon dili madali ang pagsalbar sa ilang mga sitwasyon sulod sa evacuation centers.
Una nang natala ang kapi’g 300-mil ka tawo ang apektado sukad nagsugod ang kagubot sa Marawi City.
