CAGAYAN DE ORO CITY-Nasikop sa Martial Law-Special Action Group o ML-SAG ang brgy kapitan ug ang ig-agaw niini nga aktong nasapon nga naghit-hit sa suspected shabu sulod sa Toyota Hi-Lux diha sa Vamenta Subd,Brgy Barra,Opol,Misamis Oriental kagahapong adlawa.

Kini atol sa gilusad nga martial law community security check sa kabalayan diin nakabase ang 9-mil ka evacuees aron makalikay sa enguwentro sa Marawi City.

Gibutyag ni ML-SAG member CIDG deputy for opeartions Supt Melgar Devaras nga maoy nasikop sila si Lumba-Bayabao Brgy Kap Abbas Rasuman ug Bantogaranao Domalondong.

Nakompiskar sa mga suspke ang 2 ka sachet sa shabu,drug paraphernalia, mga celphon ug IDs.Ipasaka sa PDEA-10 ang kasong paggamit sa gitoohang shabu batok sa brgy kapitan ug ig-agaw niini nga mga Maranao-Muslim nga unang nasikop sa Martial Law-Special Action Group o ML-SAG sa Brgy Barra,Opol,Misamis Oriental.

Namahayag si PDEA agent Ben Calibre nga tinguhaon nila makasuhan sila si Rasuman ug Domalondong sa piskalya ning syudad unya sa hapon.

Una nang nasapon ang duruha nga nag-pot session sulod sa gimaneho nila nga sakyanan samtang na busy usab sa security check ang ML-SAG diin kuyog ang tropa sa PDEA-10 sa Vamenta Subd kagahapon sa buntag.