CAGAYAN DE ORO CITY- Gitunulan ni Senate President Koko Pimentel sa dul-ag 4-mil ka food packs ang internally displaced persons o IDPs nga nakabase sa nagkadaiyang evacuation centers nga nakabase sa Iligan City.
Gibutyag ni Gusa Brgy Kap Marlo Tabac kinsa kuyog ni Pimentel nga paagi usab kini sa liderato sa senado aron mapaabot ang ilang pag-abag sa libuang IDPs nga apektado sa kagubot sa Marawi City.
Dugtong niini, gibutyag ni Tabac nga may dakong suliran nga hangtud karon wala malantaw sa mga hingtungdan ahensya.
Usa niini, ang kakulangon sa hinabang nga napadulong sa IDPs nga homebased.
Gibutyag ni Tabac nga gisugyot karon sa buhatan sa presidente sa senado nga mahatagan sa managsama nga ayuda ang homebased IDPs kay labing daghan kanila mga walay trabaho.
