CAGAYAN DE ORO CITY- Patay ang trese ka tawo nga gilakipan nila ni Ozamiz City Mayor Reynaldo “Aldong” Parojinog , kapikas nga si Susan Parojinog, igsoon nga si Board Member Octavio Parojinog ug Mona Parojinog human misukol sa gisilbi nga unom ka search warrant sa CIDG-10 sa ilang panimalay sa San Roque Lawis, Ozamiz City, Misamis Occidental.
Matud ni Misamis Occidental Provincial Police Dir Col Jeysen de Guzman nga unang nagpabuto og armas ang kampo ni Parojinog ug nanglabay pa’g granada sa mga pulis hinungdan nga usa ka law enforcer ang naigo ug nadala sa ospital.
Nagka-engkwentro ang duha ka grupo nga gikamatay sa upat ka mga Barangay Peace Action Team o BPATs nga sila si Miguel del Victoria, Nestor Cabalan, Daniel Vasquez.
Nadakpan usab sa mga pulis si Ozamiz Vice Mayor Nova Parojinog Echaves diin nakuha sulod sa iyang panimalay ang firearms ug shabu.
Gilusob usab sa raiding team ang panimalay ni former Board Member ug City Councilor Ardot Parojinog sa Bagakay, Ozamiz City apan wala kini maabti sa mga otoridad.
Nakuha sulod sa animalay ni Kag Parojinog ang 1 Shotgun, 3 Rocket Propelled Grenade Launchers, 2 hand grenades, 8 M79 bullets and an M79 riffle, shabu araphernalia aluminum foils, sealers, lighter, ug metamphetamine crystals. Narekober usab sa panimalay ni Parojinog Sr ug anak niini nga si “Dodo”ang M79 rifles, bundled cash ug mga shabu.
Samtang giila sa Philippine National Police nga dakong kalampusan ang kamatayon ni Parojinog.
Matud ni PNP regional director C/Supt Timoteo Pacleb nga dakong kalampusan sa ilang han-ay ang pagkamatay ni Parojinog ilabina sa ilang kampaniya batok illegal nga droga.
Si Pacleb miingon nga usa ka legitimate operation ang gihimo sa mga pulis sa pagsikop kang Parojinog apan tungod sa ilang pagsukol hinungdan sa ilang kamatayon.
