CAGAYAN DE ORO CITY- Bisan si kanhi station commander ug karon Iligan City Mayor Celso Regencia ang nakauyon sa paagi nga gipatuman sa PNP aron malumpag ang organisado nga pagpayuhot sa gidiling droga sa Ozamiz City.
Kini human nasinati usab ni Regencia ang kalisod nga masumpo ang pagkuyanap sa ilegal nga droga tungod sa pagdupa sa daghang politiko ug police generals sa maong syudad.
Siya miingon nga nahimong sayon kang Ozamiz City Police Station commander C/Insp Jovie Espenido ang pag-neutralize sa grupong Parojinog tungod kay mismo gisunod nila ang mando ni Pres Rodrigo Duterte.
Si Regencia ang nag-deklarar nga persona-non-grata sa Ozamiz City officials tungod lamang sa anti-illegal drug operations kaniadto diin siya nagsilbi nga hepe sa kapolisan sa maong syudad.
Hisayrang si Regencia ang ulahi nga nagsilbing police director sa Iligan City Police Office ayha nahimong mayor sa Iligan City.
