CAGAYAN DE ORO CITY – Kumpirmadong mga bukog sa tawo ang nakalot sa kapolisan kanhi mining site Brgy Capucao Ozamiz City kagabii.
Gibutyag ni Ozamiz City Station commander C/Insp Jovie Espenido nga nakadawat sila’g tip nga mitudlo sa direksyon sa luna diin gipanglubong ang mga patay’ng lawas sa tawo nga posibleng biktima sa summary execution ug mitubag sa daghang ihap sa mga kasong pagkawala sa maong syudad.
Alang kang Espenido, posibleng hinimuan kini sa mga Parojinog.
Una niini, gibutyag sa barangay kapitan sa Capucao nga ang kanhi miembro sa civilian volunteer organization o CVO sa ilang barangay ang mitudlo sa luna diin gipanglabog ang mga tawong gisalvage.
Gitumbok sa maong kapitan nga posibleng buhing saksi ang maong ex-CVO sa gakahitabong summary execution nga posibleng gipaluyuhan sa pamilya Parojinog.
