CAGAYAN DE ORO CITY- Isunod ni Ozamiz City Police Station commander C/Insp Jovie Espenido ang pagpangita sa mga patay’ng lawas sa mga tawo nga giingong gipanghulog sa dagat sa mga Parojinog sa dugay nang katuigan.
Kini human susamang impormasyon ang nadawat ni Espenido diin gipang-patay ang maong mga biktima tungod sa kamanduan sa pamilyang Parojinog sa Ozamiz City.
Gibutyag ni Espenido nga migamit sa mga drum ang mga tawo sa mga Parojinog aron dali mo-unlod kadtong gusto nila ipapatay padulong sa ilawom nga bahin sa dagat.
Una nang nakuha sa kapolisan ang pipila ka bukog sa tawo dihang ilang gikalot ang gipanglubngan niini sa Brgy Kapukaw C sa miaging gabii.
