CAGAYAN DE ORO CITY- Dili tinuyo ang pagkasunog sa old municipal hall diin gigamit nga mga buhatan sa gobiernong lokal sa El Salvador City,Misamis Oriental.
Kini human may nakuha nga pipila ka ebedensiya ang Bureau of Fire Protection o BFP investigators nga nagsumikad ang kalayo sa ibabaw nga bahin sa city engineering stock room ayha mikuyanap sa ubang bahin sa gambalay.
Gibutyag ni BFP arson investigator Fire Officer Herman Fabre nga kabahin sa ilang inisyal nga gikonsiderar ang depektoso nga electrical wiring connection ilabina nga kapi’g 50 ka tuig na ang maong municipal hall.
Namatay sa maong sunog ang piniriso nga si Rene Fuentes kay wala makagawas sa gibutangan nga selda kaniya.
Hisayrang natala sa balor P500-mil ang initial nga structural damage ang maong sunog.
