CAGAYAN DE ORO CITY-Gihimakak sa retired police officer nga kaila niya ang grupong Parojinog ilabina kang detained Ozamiz City Ricardo’ Ardot’ Parojinog.
Kini human akusahi sa PDEA-10 nga nalambigit sa pagbaligya’g gidiling droga si retired SPO4 Ruben Vilbar sa Poblacion, Lugait, Misamis Oriental.
Gibutyag ni Vilbar nga dili usab shabu apan tawas ang nakuha sa mga otoridad gikan kaniya.
Giangkon hinoon niini nga isip retiradong pulis, gipanag-iya niya ang kalibre 45; punto 38 ingon man mga bala ug uban pa.
Si Vilbar ang gikonsiderar sa PDEA nga ika-14 nga drug personality target sa illegal drug operations dinhi sa rehiyon.
