CAGAYAN DE ORO CITY-Dismayado si Vice Gov Joey Pelaez sa pakyas pagtunga ni Phividec administrator Atty Franklin Quijano ug negosyanteng Koryano sa committee hearing sa sangguniang panlalawigan kagahapon sa hapon.
Kini human tuyo sa duha ka komitiba nga pangayuag tubag si Quijano ug Korean Berdu Suko sa 5-mil 100 ka tonelada sa suspected plastic waste materials nga midunggo sa pantalan sa Tagoloan,Misamis Oriental.
Miingon si SP board member Gerardo Sabal III,vice chairman sa health committee nga gitahasan ni Pelaez sa hearing nga angay matin-awan ang shipment kon tinood nga basura ang maong kargamento nga naka-pondo sa Brgy Sta Cruz,Tagoloan sa lalawigan sukad Hulyo ning tuiga.
Samtang nagduda si SP board member Boris Actub,chairman sa environment committee kon nganong wala hatagi’g pagtagad sa kadagkuan sa Phividec ang isyu sa suspected waste material shipment nga midunggo sa Mindanao International Container Terminal ning lalawigan.
Kini ang hinungdan nga gipa-esplikar ni Actub si MGB- 10 officer Jerome Ventic kon nakakuha ba’g permit ang shipment ayha nakasulod sa Misamis Oriental.
\Miingon si Ventic nga mas makatubag sa maong isyu ang Environmental Management Bureau o EMB nga ubos gihapon sa DENR-10.
Samtang gi-depensa ni SP board member Frederick Kho nga dili basura apan lehitimong kargamento ang midunggo sa MICT sulod sa Phividec area sa Misamis Oriental.
Kini human unang gidudahan nga plastic waste materials ang gipasulod sa Koreano sa lalawigan ug posibleng nagdala’g peligro sa panglawas sa katawhan.
Miingon si Kho nga kon gi-release sa Bureau of Customs o BoC sulod sa MICT,nagkauluhan kini nga nakasunod sa gisitar nga mga rekisito.
