CAGAYAN DE ORO CITY-Gimando karon sa Cagayan Economic Zone Authority o CEZA ang National Bureau of Investigation o NBI nga imbestigaran ang mga aktibidad sa Freeman Traders Club o FTC nga naglihok sa syudad.
Kini human unang gimanduan sa city legal office ug Security Exchange Commission on SEC-10 nga ipa-rehistro ang negosyo ni FTC founder Mark Freeman ayha mohimo’g business operations sa ilang mga kliyente.
Una nang miingon si City Legal Officer Atty Lorela Escobela nga samtang dili pa rehistrado ang plotuos coins investment,gidid-an sila makig-negosyar ngadto sa publiko.
Samtang namugos ang kampo sa Freeman Traders Club nga dili sila susama sa pyramiding scam sukwahi sa pagtoo sa pipila ka ahensiya gobierno.
Miingon ang abogado ni Freeman nga si Atty Enrique Malicay nga kini ang rason kon nganong gisugdan na nila pagrehistro ang maong investment aron hupayon ang publiko nga dili ilegal ilang gisudlan nga transaction.
Miingon si Malicay nga kon pagpangilad pa ang tuyo ni Freeman sa publiko,dugay na kining magtagu-tago apan nagpakita ug giatubang niini ang konseho nga nag-imbestigar sa maong kontrobersya.
