CAGAYAN DE ORO CITY-Giimbestigaran sa kapolisan ang pagpusil-patay kang PO3 Wahad Racman nga nadestino sa Iligan City Police Mobile Company sa Purok-5 Brgy. Tambacan, Iligan City.
Gibutyag ni Police Chief Inspector Esralin Lauren, hepe sa PNP Mobile Force nga posibleng konektado sa ilegal nga negosyo sa kapikas ni Racman ang hinungdan sa pagluthang kaniya.
Wala na gibutyag ni Lauren kon unsa nga klase sa negosyo ang gikalambigitan sa asawa sa biktima. Dead on the spot ang nasampit nga police officer human maigo sa bala ang iyang ulo.
Gawas sa bangi sa negosyo, gitoohan usab sa Iligan City Police Office ang anggulong rido ug personal grudge.
