CAGAYAN DE ORO CITY-Gitinguha karon sa city council nga ipaubos sa pag-suspenso ang pagpatuman sa curfew ordinance mismo sa kapistahan sa Iligan City.
Kini bisan nga nag-atubang sa dakong bahad pa gihapon sa terorismo ang katawhan sa Mindanao partikular sa Iligan City tungod sa hitabo sa Marawi City.
Miingon si Kag Ian Uy, chairman sa komitiba sa peace and order sa konseho nga gisugdan na nila ang konsultasyon sa militar, kapolisan ug katawhan kabahin niini.
Una nang mihangyo ang mga negosyante nga temporaryo nga wad-on una ang curfew hour samtang ipahigayon ang mga aktibidad sa kapistahan sa ilang patron Sr San Miguel de Arkanghel sa Setyembre ning tuiga.
