CAGAYAN DE ORO CITY-Naglutaw pa gihapon ang pamati sa nurse nga contestant nga nakasulod sa finals 2nd Bombo Music Festival 2018.
Kini human wala na magdahom si Winset Rose Jacot nga taga- Brgy Lumbia ning syudad nga makasulod siya isip kabahin sa 12 finalist sa Bombo Music Festival ning tuiga.
Miingon si Jacot nga dako niyang garbo nga representahan niini ang katawhan sa syudad alang sa final showdown sa mga finalist sa Rose Hall sa Central Philippine University sa Iloilo City sa Enero 2019.
Ang kanta ni Jacot nga giulaha’g ‘Pagod na Akong Makihati’ ang subay sa personal niya nga kasinatian nga duha sila nga babaye nga nahigugma sa iyang hinigugmang lalaki lima ka tuig na ang nakalabay ning syudad.
Gawas kang Jacot, laing tulo pa ka song entries sa Bombo Radyo Davao ang nakasulod sa finals nga gikan sa Mindanao.
