CAGAYAN DE ORO CITY-Walay rason aron ipahagba sa PNP ug pulihan sa puwesto si Pres Rodrigo Duterte.Kini human unang giangkon ni Pres Duterte nga gikapoy na siya pagpakiggubat sa kurapsyon ug illegal nga droga ilabina gikan sa PNP.
Kini ang hinungdan nga gitas-an ni Duterte sa 5 milyon pesos ang reward money sa mga tawong makapatay sa ninja cops o mga pulis nga nalambigit sa mga kalihukang ilegal.
Miingon si Supt Mardi Hortillosa,tigpamaba sa Cagayan de Oro City Police Office nga dili mahitabo nga isalikway sa PNP si Duterte nga naningkamot pagsulbad sa mga problema nga giatubang sa nasud.
Nasayran nga ang PNP ang kabahin sa unang ahensiya sa gobierno nga gihataga’g usbaw sa suhulan sukad nakalingod si Duterte sa puwesto tuig 2016.
