CAGAYAN DE ORO CITY-Gikasuhan sa kriminal si City Mayor Oscar Moreno ug kanhi City Treasurer Dr Glenn Baniez sa andiganbayan.
Kini human gipamugos sa Ombudsman nga dunay gimbug-aton nga nakahimo’g kasupakan sa Graft and Corrupt Pratices sa Republic Act 3019 si Moreno ug Baniez sa pagsulod sa compromise agreement sa syudad ug kompanyang Ajinomoto sa tuig 2015.
Miingon si kanhi Taglimao Brgy Kap William Guillani,kinsa maoy mikaso batok sa duruha nga angay lamang nga kasuhan sila kay disbintaha sa katawhan ang maong kasabutan.
Una niini,midawat sa 300 mil pesos nga bayad ang syudad gikan sa 2.9 milyon pesos unta nga buhis hinungdan nga gipasaka sa Ombudsman ang kaso sa Sandiganbayan ning tuiga.
Samtang moduso’g legal action ang kampo ni Moreno kabahin sa lakang gihimo sa Ombudsman sa Sandiganbayan.
Kini human kasuhi’g kriminal si Moreno tungod sa compromise agreement tali sa kompanyang Ajinomoto ning syudad.
Miingon si Atty Dale Brian Mordeno nga sukwahi sa gipamugos ni Guillani,dili na angay mananghid si Moreno sa konseho sa maong transaction.
Una niini,gipugngan sa Court of Appeals Mindanao ang dismissal order batok Moreno sa miaging tuig 2015.
