CAGAYAN DE ORO CITY-Gitawag sa PNP-10 nga welcome devt ang pahayag ni Pres Rodrigo Duterte nga mohatag siya’g P5 million nga reward sa mga makapatay sa ninja-cops.
Matud ni PNP spokesperson Supt Surki Serenias nga nalipay sila sa pahayag ni Pres Duterte aron mawala na ang ninja cops nga nakadaut sa pangalan ug integridad sa ilang organisasyon.
Siya miingon nga tungod sa mga ninja cops, adunay pipila ang nawad-an og salig sa mga pulis.
Gitin-aw usab ni Serenias nga dili matawag nga ninja-cops ang mga pulis nga nagpositibo sa paggamit sa illegal nga droga.
Si Serenias miingon nga ang mga ninja cops mao ang mga pulis nga nalambigit sa kasong kidnapping with ransom ug uban pang krimen.
Apan gibutyag niini nga matawag nga mga police scalawags ang mga pulis nga nalambigit sa paggamit ug pagbaligya sa illegal nga droga.
