CAGAYAN DE ORO CITY-Kasuhan sa pagbaligy’ag gidiling droga ang retiradong police officer nga close-in body guard sa magsoong detained kanhi City Coun. Ricardo’ Ardot’ Parojinog ug late Ozamiz City Mayor Reynaldo ‘Aldong’ Parojinog Sr.
Kini human nasikop sa hiniusang operasyon sa PDEA-Misamis Occidental Team ug CDIG-10 si retired SPO3 Sofronio Mirontos sa Purok 6,Brgy Mauilao,Tangub City.
Miingon si PDEA Misamis Occidental Provincial Officer Agent Bruno nga du-ag tuig nga gipanid-an Mirontos tungod sa giingong pagbaligya’g gidiling droga sa maong lugar.
Gisikop pinaagi sa search warrant operation si Mirontos diin nakompiskar ang 20 gramos nga gitoohang shabu nga may dul-ag 200-mil pesos nga street value ingon man 45 nga armas,357 revolver ug granada.
Samtang napasaka na sa CIDG-10 ang kasong illegal possession of firmarms, ammunition and explosives batok sa kanhi pulis nga nagsilbing “closed-in-security” sa pamilyang Parojinog sa Ozamiz City,Misamis Occidental.
Kini human nasikop si Mirontos pinasikad sa mando sa korte diin nakuhaa’g 20 gramos sa suspected shabu,granada,45 pistol ug 357 revolver sa Tangub City.
Miingon si Bruno nga mas una nakauna’g kaso ang CIDG batok suspek sa piskalya sa maong lugar kagahapong adlawa.
Una nang giangkon ni Mirontos nga security escort kini sa pamilyang Parojinog hangtod mi-retiro sa serbisyo isip PNP-Maritime member sa tuig 2011.
