CAGAYAN DE ORO CITY-Giila sa kadagkuan sa PNP ang sakripisyo ug pagbuhis kinabuhi sa kapolisan mamintinar lamang ang kahusay’g kalinaw sa nasud.
Kini maoy kabahin sa mensahe ni PNP chief Dir Gen Oscar Albayalde alayon sa ika-117 ka tuig nga anibersaryo sa ahensiya.
Miingon si Albayalde nga partikular nga gidayeg usab sa PNP ang paningkamot sa kapolisan nga masumpo ang lain-laing kremin kontra sa gobierno sama sa gidiling droga sa nasud.
Gimanduan usab ni Albayalde ang mga pulis nga matarong sa ilang trabaho nga mangunay pagbungkag sa pipila ka kauban nila nga nagsilbing ninja cops.
Matud ni Albayalde nga pagtaktak sa trabaho kon masapon ang police scalawags nga mihimo sa mga kalihukang illegal.
Gigarantiya usab ni Albayalde nga kanunay pasidunggan kadtong mga pulis nga naghimo’g tinarong nga trabaho subay sa saad ni Pres Rodrigo Duterte.
Gihimo sa PNP chief ang pahayag sa pagpangulo sa selebrasyon sa Camp Alagar, Brgy Lapasan ning syudad kaganihang buntag.
