CAGAYAN DE ORO CITY-Patay ang usa ka tri-cab driver human namaligya sa suspected shabu ug giingong misukol sa mga operatiba sa Purok 7 Brgy Poblacion, Alubijid, Misamis Oriental kagahapon sa hapon.
Giila ni Sr/Insp Lester Ceriales,hepe sa Alubijid Police Station ang suspek nga si Jander Pajo, 34 anyos, ulitawo ug molopyo sa maong dapit.
Gikompirmar ni Ceriales nga napusilan nila ang suspek tungod kay nakamatikod man nga police asset ang iyang ka-transakyon.
Namugos s Ceriales nga unang nagpabuto sa ikatulong higayon ang suspek hinungdan nga mi-depensa ang mga operatiba gikan sa Provincial Drug Enforcement Unit o PDEU ug Provincial Intelligence Branch sa Misamis Oriental PNP.
Nakaangkon ang suspek sa igo pinusilan sa dughan nga mi lahos sa kilid nga bahin sa iyang lawas.
Napalitan ang suspek sa usa ka pakete sa gitoohang shabu nga nagkantidad sa P500.
Laing lima ka dagkong sachet sa gitoohang shabu ang narekober kuyog ang iyang 38 kalibre nga armas nga loaded sa bala.
Gisulayan pa sa mga doktor sa OWWA Alubijid Hospital ang pag revive sa pasyente sulod apan nabugtuan ra gihapon sa iyang kinabuhi.
