Photo:COCPO
CAGAYAN DE ORO CITY-Gipalig-on pa ni PNP Chief Dir General Oscar Albayalde ang ultimatum ni Pres Rodrigo Duterte nga ”shoot to kill” batok sa tanan ninja cops.
Gihimong pananglitan ni Gen Albayalde ang pagkamatay sa tulo ka pulis sa Infanta Quezon ug Zamboanga City nga iladong protektor sa druglords ug gamapamaligya sa mga “confiscated shabu”.
Kini ang gibutyag ni Albayalde sa iyang pagbisita sa headquarters sa PRO-10 sa Kampo Alagar, Brgy Lapasan ning syudad.
Mibahad si Albayalde batok sa “ninja cops” nga dunay dautang mahitabo kon dili mohunong sa ilang binuhatan.
Giawhag usab sa heneral ang uban pang police scalawags nga nalambigit sa korapsyon ug pagpangilkil nga mupahawa na lang sa serbisyo aron dili magsilbing buling sa ilang organisasyon.
Samtang gihagit ni Albayalde ang Police Regional Office -10 nga pakusgon ang kampanya batok sa naghitak nga kriminalidad sa rehiyon.
Gimando usab ni Albayalde ang pagpakusog sa OPLAN-SITA, OPLAN-BAKAL,pagbungkag sa private armed groups ug ang pagdakop sa mga notoryos nga “gun for hire criminals”.
Gipasabot ni Albayalde nga gikinahanglang dili mabiyaan sa matag-police station ang kampanya kontra droga aron maminusan ang krimen sa rehiyon.
