CAGAYAN DE ORO CITY-Patay sa pagpanunggab ang lalaki nga nakig-inom sa iyang silingan sa El Salvador City.
Giila ni Misamis Oriental Provincial Police Office spokesperson Sr/Insp Arlyn Ranario ang biktima nga si Joel Bayagin,26 anyos,minyo ug nagpuyo sa maong syudad.
Subay sa report sa El Salvador Police Station nga nagkabikil ang biktima ug igsoong lalaki sa iyang kapikas hinungdan nga nag-resulta sa pagpanungab gamit ang improvised nga kutsilyo.
Nakaangkon sa tulo ka samad ang biktima hinungdan nga paglabay sa pipila ka oras nga pagkadala sa ospital,hingpit ra kining namatay.
Kasamtangang gikustodiya na usab ang suspek sa DSWD alang sa tukmang aksyon sa kapolisan.
