CAGAYAN DE ORO CITY-Naghinam-hinam na si COCPO spokesperson Supt Mardi Hortillosa nga magsilbing hurado sa Bancarera 2018 sa Bombo Radyo sa Zone 2 Jesper Beach, Brgy Bonbon ning syudad ugmang adlawa.
Matud ni Hortillosa nga moabot na sa 20 ka tuig nga wala siya makakita sa karera sa mga bangka sa kadagatan.
Tungod niini, excited siya nga musaksi sa usa sa labing exciting parallel events sa Higalaay Festival ning syudad ang Bancarera 2018.
Andam na usab si Higalaay Festival Executive chairwoman Eileen San Juan nga magsilbing special guest sa Bancarera 2018.
Siya miingon nga makapila kahigayon na niyang nasaksihan ang Bancarera sa Bombo Radyo ug nakadayeg siya niini tungod kay daghan usab ang nalingaw sa paglantaw sa karera sa mga banca.
Gani, nalipay si San Juan tungod kay kabahin kini sa parallel events sa Higalaay Festival ning syudad.
