CAGAYAN DE ORO CITY-Giimbestigaran pa sa kapolisan ang pagpusil-patay sa PUJ dispatcher nga natigayon sa Zoner 1,Brgy Bulua sa syudad.
Miingon si C/Insp Erikcson Sabanal,hepe sa Bulua Police Station nga giila ang biktima nga si Andrew Balaba,hingkod ang panuigon ug nagpuyo sa maong lugar.
Dugang ni Sabanal nga wala pa sila’y ideya kon nganong gipusil ang biktima kinsa kanhi usab nabilanggo tungod sa laing kaso nga giatubang.
Nahiagom sa igo mga bala ang lawas sa biktima hinungdan sa kamatayon niini.
Anaa na sa punerarya ang lawas sa biktima samtang gihulat ang mga tagtungod niini nga mahidangat sa lugar.
