CAGAYAN DE ORO CITY-Patay ang magsoong suspected pushers tungod sa giingong pagsukol sa police operations diha sa Sitio Carampil,Brgy Baluarte,Tagoloan,Misamis Oriental kagabii.
Giila ni Tagoloan Police Station commander C/Insp Allan Oniana ang mga suspek nga sila si Jeffrey ug Jerry Jandayan,hingkod ang panuigon nga nagpuyo sa maong lungsod.
Miingon si Oniana nga nahitabo na ang pagpalit sa suspected shabu gikan sa mga suspek dihang nabantayan sila nga mga pulis hinungdan nga mibunot sa duha ka kalibre 38 nga armas.
Dili pa igo,mibunot pa aron ipabuto ang granada batok sa mga pulis apan hingpit na-neutralize ang mga suspek dihang mibuto sa ilang tungod kay mibuto ang granada.
Narekober sa crime scene ang mga armas,pipila sachets sa suspected shabu ug motorsiklo.
Sa miaging semana,napatay usab sa PNP ang suspected drug pusher nga giingong misukol kay armado sa granada sa Tagoloan ning lalawigan.
Samtang walay quota apan gi-presyur ni PNP chief Dir Gen Oscar Albayalde ang kapolisan nga mohimo’g sunod-sunod nga anti-illegal drug operation batok sa mga suspected shabu pusher sa Northern Mindanao.
Kini ang pag-angkon ni PNP regional spokesperson Supt Surki Serenias nunot sa mando ni Pres Rodrigo Duterte nga sumpu-on ang ilegal nga droga ubos sa iyang administrasyon.
Miingon si Serenias nga katungod sa PNP nga limpyohan batok sa mga tawo nga nalambigit sa gidiling droga aron mas luwas puy-an ang matag-lugar sa nasud.
Nasayran nga subay sa pinakaulahing listahan sa PNP-10,59 ka tawo na ang napatay diin 17 niini ang natigayon ubos sa administrasyon ni Albayalde.
