CAGAYAN DE ORO CITY-Sugdan na ang pagpabangon sa nagusbat nga 24 ka barangay gumikan sa gisabwag nga kagubot sa teroristang Maute-ISIS sa Marawi City sa Setyembre ning tuiga.
Kini human angkona ni Task Force Bangon Marawi chairman Secretary Eduardo del Rosario nga duol nang matibawas ang negosasyon sa gobierno ug kompanyang Power China nga motrabaho sa maong syudad.
Miingon si Del Rosario nga hayan i-ansunsyo nila ang pinal nga masabutan kabahin sa Marawi City sunod semana.
