CAGAYAN DE ORO CITY-Naglaum ang liboan ka mga undocumented Overseas Filipino workers (OFWs) sa Jordan nga makauban sila pagpauli ni Pres Rodrigo Duterte sa Pilipinas.
Matud ni Bombo Radyo correspondent Marjorie Majorenos, nga gusto sa mga OFW’s nga hangyoon ni Pres Duterte ang gobyerno sa Jordan nga tugotan silang makauli sa Pilipinas nga dili na magbayad og immigration fees.
Una niini, nagtanyag og free bus riding ang embahada sa Pilipinas sa Jordan sa mga OFWs nga gustong makakita sa Presidente sa Pilipinas sa Royal Cultural Palace sa Amman, Jordan.
Hisayran nga anaa sa 20 hangtid 30-mil ka mga OFW’s ang nagtrabaho sa maong nasud.
