CAGAYAN DE ORO CITY-Masaligon si Villanueva Police Station commander Sr/Insp Dennis Ebsolo nga dili makaggawas sa bilangguan ang dinakpang high value target nga suspected illegal drug pusher sa Poblacion 1, Villanueva, Misamis Oriental.
Kini bisan paman nag-negatibo sa drug test ang suspek nga si Engr Celso Ramos, 53 anyos, minyo ug nagpuyo sa maong lungsod.
Siya miingon nga ila nang gikasuhan sa pagbaligya’g illegal nga droga ang suspek sa piskalya.
Gibutyag usab ni Ebsolo nga dugay na nilang gimonitor ang kalambigitan ni Engr Ramos sa pagpamaligya’g illegal nga droga.
Sumala pa ni Ebsolo nga naghulat na lamang sila og timing aron dakpon ang suspetsado.
Dugtong niini nga dili Tokhang surrenderee si Ramos.
Kahinumduman nga asst assessor officer sa Villanueva si Ramos kinsa nakuhaan sa giingong pipila ka sachets sa suspected shabu,P500 marked money ug motorsiklo.
