CAGAYAN DE ORO CITY-Gimandoan sa Commission on Audit ang lokal nga kagamhanan sa Marawi City nga magmugna’g programa alang sa nahabilin nga P29.43-million donations para sa mga apektadong residente.
Sa report sa COA, ilang nasuta nga anaa lamang sa P10.26-million gikan sa P39.7-million cash donations ang naggamit sa rehabilitasyon.
Kabahin sa mga donasyon ang P10.2-million gikan sa Land Bank of the Philippines, ang P200,000 sa League of City Mayors, ang P500,000 gikan sa lokal nga kagamhanan sa Cadiz City ug P1-million gikan kang Senator Aquilino “Koko” Pimentel.
