CAGAYAN DE ORO CITY-Gihangyo ni City Mayor Oscar Moreno ang katawhan nga magbinantayon ug mag-maigmat aron mapakigbatukan ang mga terroristic attack.
Kini ang panawagan ni Moreno kalabot sa Sultan Kudarat bombing nga gikamatay sa tulo ka tawo.
Siya miingon nga gikinahanglan ang suporta ug tabang sa publiko ngadto na sa mga pulis ug sundalo aron dili molampos ang mga terorista sa pagsabwag og kagubot dinhi sa syudad.
Sayran nga nabalaka si Moreno nga posibleng mahitabo sa syudad ang pagpamomba kon wala niya pahugti ang seguridad sa dakbayan.
Siya miingon nga daghan man ang nagreklamo ug nasuko sa pagkawala sa signal sa kumunikasyon apan nahimong mabungahon ang lakang tungod kay nagmalinawon ang pagsaulog sa kapistahan sa syudad.
Asoy niini nga wala siya masayop sa pagtukod sa task force security sa Higalaay Festival.
Giawhag sa mayor ang gobyerno nga mangita’g paagi aron masolusyonan ang pagpamomba sa tibook Mindanao.
Si Moreno miingon nga bisan sa gipatuman nga martial law sa Mindanao ug ang pagpirma sa Bangsamoro Transition Law.
Kinahanglan lingkuran ug pangitaa’g epektibo nga solusyon sa mga tag-as nga opisyal sa nasud ang maong suliran ilabina nga daghang kinabuhi sa mga sibilyan ang makalas.
