CAGAYAN DE ORO CITY-Gihangyo karon sa National Food Authority o NFA-Northern Mindanao si Pres Rodrigo Duterte nga ibasura ang panawagan sa pipila ka sektor nga bungkagon ang ahensiya.
Kini human unang gibasol sa mga kritiko nga napakyas ang NFA sa pagtuman sa tahas nga mahatagan sa bastante nga suplay sa bugas ang katawhan sa nasud.
Miingon si NFA regional spokesperson Hazel Belacho nga dili na nila maantos ang pagbiay-biay hinungdan nga naglusad sila’g protesta batok sa pagbungkag sa ahensiya.
Namugos ang NFA nga dugay na sila naghangayo sa ilang national council aron mag-import sa bugas apan wala sila panumbalinga hinungdan natigayon ang rice crisis sa nasud.
Nasayran nga nagbahad ang kongreso nga kasuhan ang NFA tungod sa pag-divert sa P7 bilyon nga pagpanglit sa bugas ngadto pagbayad sa ilang utang sa mga bangko.
