CAGAYAN DE ORO CITY-Modagan pagka-mayor si Police C/Insp Jovie Espenido aron mapalapad pa ang pag-alagad sa katawhan sa Ozamiz City,Misamis Occidental.
Kini ang gikompirmar ni Espenido kinsa hepe sa Ozamiz PNP nga giingong mobalhin na siya sa iyang voter’s registration alayon sa 2019 midterm elections.
Miingon si Espenido nga mas lahi ang iyang mahimo isip opisyal sa pulis itandi kon mahimo nga elected city mayor sa katawhan sa Ozamiz.
Kon mahinayon si Espenido,ikabangga niini si Ozamiz City Mayor Girlette Suansing kinsa mihulip dihang napatay sa PNP operation si late Mayor Reynaldo ‘Aldong’ Parojinog Sr kapi’g tuig na ang nakalabay.
Si Espenido ang gihataga’g espesyal nga tahas ni Pres Rodrigo Duterte aron limpyohan batok ilegal nga droga ang Ozamiz diin gidudahan nga gipadagan sa Parojinog Drug Syndicate Group.
